HERE I GO INDIANA!

Despois de moito tempo non, pero un certo sen publicar nada toca unha nova entrada e polo título estou segura de que todos sabedes o que é. Teño familia! Feito que non me crin durante, non sei, bastante tempo, porque debo decir que xa hai máis duha semana que o sei pero debido á excurión a Londres que tiven e todo non puiden escribir nada. O mellor de todo é que entereime de que tiña familia cando recibín unha petición de amizade en facebook, unha muller de Indiana. Eu debido a que tivera unha coordinadora que levaba esa área pensei "malo será, aceptareilla non vaia ser que sexa a miña futura familia" e así fixen. Investigando no seu perfil vin que esperaban un estudiante de intercambio e o seguinte que sei é que vin que o lugar do que viña era Mondoñedo, Spain e dixen esa son eu! Aos poucos minutos Lynn, que así se chama a miña futura host mum, faloume e contoume que estivera agardando para falarme porque quería que mo contaran a min primeiro e aínda que esperou bastante eu non sabía nada de nada.
Pois ben, acóllenme os Hardman, unha familia composta por catro membros que vive nun pobo (eso lle chaman eles) de Indiana chamado Lawrence. Os Hardman son Lynn, a nai, Brian, o pai, Erin, a filla máis nova que ten un ano menos ca min, e Sara, que irá para o ano á universidade e se recordo ben ten 17 anos. Todos teñen gustos moi similares aos meus, a Brian encántalle ler, Erin e Sara tocan instrumentos e comparto con Lynn moitas pequenas cousas. Lynn é contable e Brian é "Facilities assesor" que sinceramente, non sei o que é. Sara e Erin son dúas boísimas estudantes e ambas ademais participan en diferentes actividades, sobre todo relacionadas coa música. Segundo o que falei con Lynn e todo o que lin na información parécenme unha gran familia e creo que vivirei de marabilla con eles, son algo estrictos no que respecta ás normas pero creo que eso non me vai supoñer ningún inconvinte. Outro membro da familia é Meika, o seu can, e debo decir que é un can perfecto para min pois non é moi grande.
A súa casa é a típica americana e aínda que eles din que é a máis pequena do barrio eu creo que é bastante grande así que como serán as outras! Terei a miña propia habitación, en realidade será a de Sara pois ao marchar quedará libre e eu usareina, compartirei un baño con Erin e despois ambas repartiremonos a súa limpeza.
Son unha familia de vida sá, van ao ximnasio xuntos e están inscritos na YMCA donde hai piscina. Pasan bastante tempo xuntos e viaxan tamén moito, polo que eu non podería estar máis contenta.
Son moi agradables, por exemplo, Lynn contoume que estaba practicando a súa tortilla española para cando eu chegara e que me comprarían chourizos. Xa me sinto querida e aínda non os coñecín, e eso é o máis importante.
Agora falemos de Lawrence, ten sobre 50000 habitantes e está a tan só 15 minutos de Indianápolis a capital do Estado, é digamos unha zona residencial dela. Ten numerosos espazos verdes e moitas actividades. O meu instituto será o Lawrence North High School que ten 2300 alumnos, sei que será difícil ao principio pero vou coas mellores ganas. É un instituto que conta cun programa de español dos mellores de USA e que está recoñecido por España, ten ademais máis asignaturas para escoller das que podo contar e programas de música e deportes a barrer. Polo que non podía pedir máis.
Os Hardman non son relixiosos e parece que o mito americano de terei que ir á misa non se aplicará para min, creo que eles usan a mañá do domingo para ir xuntos ao ximnasio.
Pero Indiana ten moito que ver e eu vivo rodeada de State Parks, a 2h e media de Cinccinati e a 3 de Chicago. O clima é tamén mais que perfecto, pois visto o visto en outros lugares de USA esto é do mellor que me podía tocar, ten unhas temperaturas frías en inverno de arredor -6º e en verán as máximas rondan os 29º.
Non podo esperar para estar alí xa!
Aquí vos deixo algunhas fotos:

Lawrence North High School

Lawrence City Hall

Lawrence North Widcats

Lawrence